ಶ್ರೀಕ್ಷೇತ್ರ ಶಕಟಪುರ ಮಠ - ಭಂಡೀಗಡಿ

ಶ್ರೀಕ್ಷೇತ್ರ ಶಕಟಪುರ ಮಠ - ಭಂಡೀಗಡಿ :

ಚಿಕ್ಕಮಗಳೂರು ಜಿಲ್ಲೆದ ಕೊಪ್ಪ ತಾಲ್ಲೂಕುಡ್ ಇಪ್ಪುನ ಈ ಸ್ಥಳೊಟು ಶಕಟಪುರ ಸಂಸ್ಥಾನೊದ ಮುಖ್ಯವಾದ ಮಠ ಉಂಡು. ಶ್ರೀ ರಾಜರಾಜೇಶ್ವರಿ ಅಪ್ಪೆನ ದೇವಸ್ಥಾನ ಮುಲ್ಪ ಉಂಡು. ಭಂಡಿಗಡಿ ಪನ್ಪಿನ ಪುದರು ಮಹಾಭಾರತದ ಉಪಕಥೆಟ್ ಬರ್ಪುಂಡು ಪನ್ಪಿನ ಪ್ರತೀತಿ ಉಂಡು. "ಬಂಡಿ" ಬೊಕ್ಕ "ಗಡಿ" ಪನ್ಪಿನ ಪದೊಕ್ಲೆಡ್ದು "ಭಂಡಿಗಡಿ" ಪನ್ಪಿನ ಪದೊ ಪುಟ್ಟುದುಂಡುಗೆ.  ಮಹಾಭಾರತೊಡು ಪಾಂಡವೆರು ಶಕಟಪುರನ್ ಗಳಸುದ್ ಪೋನಗ ಅಲ್ಪದ ಏಕಚಕ್ರನಗರದ ಬಕಾಸುರ ಪನ್ಪುನ ಪುದರ್ದ ರಕ್ಕಸೆ ಜನಕ್ಲೆಗು ತೊಂದ್ರೆ ಕೊರೊಂದಿಪ್ಪೆಗೆ. ಅಲ್ಪದ ಜನಕುಲೆನು ಒರಿಪಾವರೆಗಾದು ಭೀಮಸೇನ "ಯಾನೆ ರಕ್ಕಸೆನು ಕೆರ್ಪೆ" ಪಂದು ಗಾಡಿ (ಬಂಡಿ)ದ ತುಂಬಾ ಆಹಾರೊನು ತುಂಬೊಂದು ಪೋಪೆಗೆ. ಆ ಜಾಗೆನೇ ಭಂಡಿಗಡಿ ಪನ್ಪಿನ ವಿಷಯ ಚಾಲ್ತಿಡು ಉಂಡು.

#Malenad_Tuluvas

Pic Source: Internet

ಸರ್ವಜ್ಞ ಪೀಠ - ಕೊಡಚಾದ್ರಿ

ಸರ್ವಜ್ಞ ಪೀಠ - ಕೊಡಚಾದ್ರಿ:

ಶಿವಮೊಗ್ಗ ಜಿಲ್ಲೆಡ್ ಇಪ್ಪುನ ಈ ಸರ್ವಜ್ಞ ಪೀಠೊದ ಮಹತ್ವ ದಾದ ಪಂಡ, ಈ ಜಾಗೆಡು ಆದಿ ಶಂಕರಾಚಾರ್ಯೆರು ತಪಸ್ಸು ಮಲ್ದೆರ್ ಪನ್ಪುನ ಪ್ರತೀತಿ ಉಂಡು. ಈ ಸರ್ವಜ್ಞ ಪೀಠ ಸಮುದ್ರ ಮಟ್ಟೊಡ್ದ್ 1343 ಮೀಟರ್ ಎತ್ತರಡ್ ಇಪ್ಪುನ ಕೊಡಚಾದ್ರಿದ ತುತ್ತ ತುದಿಟ್ ಉಂಡು. ಈ ಸರ್ವಜ್ಞ ಪೀಠಡ್ದ್ ಒಂತೆ ದೂರೊಡು "ಸೌಪರ್ಣಿಕ" ಸುದೆ ಪುಟ್ಟುನ "ಚಿತ್ರಮೂಲ" ಪನ್ಪಿನ ಜಾಗೆ ಉಂಡು. ಮುಲ್ಪ ಪುಟ್ಟುನ ಸುದೆ ದುಂಬು ಕೊಲ್ಲೂರು ದೇವಸ್ಥಾನದಲ್ಪಲ ಪೋಪುಂಡು. ಈ ಸರ್ವಜ್ಞ ಪೀಠೋಗ್ ಪೋಪುನ ಸಾದಿಡ್ 2 ಕಿ.ಮೀ ಪಿರ ಮೂಲ ಮೂಕಾಂಬಿಕ ದೇವಸ್ಥಾನ ಉಂಡು. ಮುಲ್ಪದ ಒಂಜಿ ವಿಶೇಷತೆ ಪಂಡ ವಾ ಗಾಳಿ-ಬರ್ಸೊಗ್ಲ ತುಕ್ಕು ಪತ್ತಂದಿನ 40 ಅಡಿ ಎತ್ತರದ ಒಂಜಿ ಕರ್ಬದ ಕಂಬ ಉಂಡು. ಉಂದೆನ್ ಮೂಕಾಸುರನ್ ಕೆರ್ರೆಗಾದು ಮೂಕಾಂಬಿಕೆ ಅಪ್ಪೆ ಗಳಸುದಿನಿ ಪನ್ಪುನ ನೆರೆಕರೆತಗ್ಲೆನ ನಂಬಿಕೆ. ಈ ಮೂಲ ಮೂಕಾಂಬಿಕೆ ದೇವಿನು ಶ್ರೀ ಆದಿ ಶಂಕರಾಚಾರ್ಯೆರು ಕೊಲ್ಲೂರುಡು ಪ್ರತಿಷ್ಠಾಪನೆ ಮಲ್ತಿನಿ ಪನ್ಪುನ ಇತಿಹಾಸ ಉಂಡು.

#Malenad_Tuluvas

Pic source : Internet

ಸಿಂಹನಗದ್ದೆ ಬಸ್ತಿ‌ಮಠ

ಸಿಂಹನಗದ್ದೆ ಬಸ್ತಿ‌ಮಠ 

ಚಿಕ್ಕಮಗಳೂರು ಜಿಲ್ಲೆದ ನರಸಿಂಹರಾಜಪುರ ತಾಲ್ಲೂಕುಡ್ ಇಪ್ಪುನ ಈ ಪುಣ್ಯಕ್ಷೇತ್ರೊಗ್ ಒಂಜಿ ಐತಿಹಾಸಿಕ ಹಿನ್ನಲೆ ಉಂಡು.

ಉತ್ತರ ಕನ್ನಡ ಜಿಲ್ಲೆದ ಹೊನ್ನಾವರತ ಗೇರುಸೊಪ್ಪೆ ಸಾಳ್ವ ವಂಶೊದ ಅರಸುಲೆನ ರಾಜಧಾನಿ ಆದಿತ್ತುಂಡು. ಈ ಸಾಳ್ವ ಅರಸುನಕುಲ್ ಕಟ್ಟಾಯಿನ ಬಸದಿಲೆಡ್ ಈ ಸಿಂಹನಗದ್ದೆಲಾ ಒಂಜಿ. ಮುಲ್ಪ ಆರಾಧನೆ ಆಪುನ ಜ್ವಾಲಾಮಾಲಿನಿ ಮೂಲ ಕ್ಷೇತ್ರ ಗೇರುಸೊಪ್ಪೆನೇ ಆದಿತ್ತುಂಡು. ಪಿರಾಕುದ ಕಾಲೊಡು ಗೇರುಸೊಪ್ಪೆದ ಸಮಂತಭದ್ರಾ ಆಚಾರ್ಯೆರ್ ಜ್ವಾಲಾಮಾಲಿನಿ ಅಪ್ಪೆನ ಆರಾಧನೆ ಮಲ್ತೊಂತೆರು. ಆರು ಮಠ ಸ್ಥಾಪನೆ ಮಲ್ತುದು ಧರ್ಮ ಪ್ರಚಾರ ಮಲ್ತೊಂದಿತ್ತೆರು.

ಒಂಜಿ ದಿನ ದೇವಿ ಆಚಾರ್ಯೆರ್ನ ಕನೊಟ್ ಬತ್ತುದು "ಯಾನ್ ನನ ಮುಲ್ಪ ಉಂತುಜಿ, ಎನನ್ ಈ ಬೋ

ರಿದ ಗಾಡಿಡ್ ಕುಲ್ಲವೊಂದ್ ಪೋಲ, ಒಲ್ಪ ಗೋಮಾತೆಲ ಸಿಂಹಲ ಒಟ್ಟುಗ್ ಅನ್ಯೋನ್ಯವಾದಿಪ್ಪುನ ತೋಜುಂಡಾ ಅಲ್ಪ ಎನನ್ ಪ್ರತಿಷ್ಠಾಪನೆ ಮಲ್ಪ್ಲ" ಪಂದ್ ಪಂಡೆರ್ಗೆ. ಆ ಪ್ರಕಾರೊಡ್ ಆಚಾರ್ಯೆರ್ ದೇವಿನ್ ಗಾಡಿಡ್ ಕುಲ್ಲಾವೊಂದ್ ಬರ್ನಗ ಈ ಪುಣ್ಯಕ್ಷೇತ್ರೊಡಿಪ್ಪುನ ಕಂಡೊದ  ಪೆತ್ತ ಕೈಕಂಜಿದ ನಡುಟ್ ಸಿಂಹ ಒಂಜಿ ಗೊಬ್ಬೊಂದಿತ್ತುಂಡ್ಗೆ ಅಂಚ ಉಂದುವೇ ದೇವಿ ಪಂಡಿನ ಜಾಗೆ ಪಂಡುದ್ ಮುಲ್ಪನೇ ದೇವಿನ ಪ್ರತಿಷ್ಠಾಪನೆ ಮಲ್ತುದು. ಈ ಕ್ಷೇತ್ರೊಗ್ "ಸಿಂಹನಗದ್ದೆ ಬಸ್ತಿಮಠ" ಪಂಡುದು ಪುದರ್ ದೀಯೆರ್ಗೆ. ಉಂದ್ ಜೈನ ಮಠ ಆದಿತ್ತುಂಡಲ ಮುಲ್ಪ ಹಿಂದೂ ಜನಕುಲ್ಲ ಹೆಚ್ಚಿಗೆ ಸಂಖ್ಯೆಡ್ ಬತ್ತುದ್ ದೇವಿನ ದರ್ಶನ ಮಲ್ತುದು ಬೋಡಾಯಿನ ಎಡ್ಡೆ ಬೇಲೆಗ್ ನಟ್ಟೊನುವೆರು.

#Malenad_Tuluvas

Pic source : Internet

                                                        ಸಿಂಗದೂರು ಚೌಡೇಶ್ವರಿ

ಶಿವಮೊಗ್ಗ ಜಿಲ್ಲೆದ ಸಾಗರ ತಾಲೂಕುದ ಸಿಂಗದೂರುಡು ಇಪ್ಪುನ ಪುಣ್ಯ ಕ್ಷೇತ್ರ ಸಿಂಗದೂರು ಚೌಡೇಶ್ವರಿ ಅಪ್ಪೆನ ದೇವಸ್ಥಾನ. ರಕ್ಷಣೆ ಕೆಂದು ಬರ್ಪಿನ ಜನಕುಲೆನು ಕಾಪರೆಗಾದು ಅಪ್ಪೆ ಶರಾವತಿ ಸುದೆತ ಕೈತ ಬರಿಟ್ ನೆಲೆ ಆತೆರು. ಮಲೆನಾಡುದ ಪ್ರತಿ ಇಲ್ಲನ್ಲ ಕಲುವೆರು ಬರಂದಿಲಕ ಕಾಪುನ ಅಪ್ಪೆ ಚೌಡೇಶ್ವರಿ. ಕಲುವೆರೆನ ಉಪದ್ರ ಇತ್ತುಂಡ ಈ ಕ್ಷೇತ್ರಗು ಪರಕೆ ಪಂಡುಂಡ ದೇವಿ ಕಲುವೆರೆಗೆ ಶಿಕ್ಷೆ ಕೊರ್ಪೆರು ಅಂಚೆನೆ ಕಂಡುದ್ ಪೋದಿಪ್ಪುನ ವಸ್ತುಲ ಪಿರ ತಿಕ್ಕುಂಡು ಪಂದ್ ಭಕ್ತೆರೆನ ನಂಬಿಕೆ. ಸಿಂಗದೂರು ಕ್ಷೇತ್ರ ಸಾಗರಡ್ದು 37 ಕಿ.ಮೀ ದೂರಡು ಉಂಡು ಮುಲ್ಪಡ್ದು ಪೋನಗ ಲಿಂಗನಮಕ್ಕಿ ಜಲಾಶಯ ನೀರುನು ಕಡತ್ ಪೋವೊಡು ಇಡೆಗು ಸಂಕ ಇಜ್ಜಿ ಅಂಚಾದು ಲಾಂಚ್‍ಡ್ ಪೋವೊಡು ಅವೊಂಜಿ ಪೊರ್ಲುದು ಅನುಭವ ಪಂದ್ ಪನೊಲಿ. ಊರು ಪರಊರುಡ್ದು ಭಕ್ತೆರು ಅಪ್ಪೆನ್ ತೂವರೆ ಬರೊಂದಿಪ್ಪೆರು.

#MalenadTuluvas

Pic source : Internet

ನರಸಿಂಹರಾಜಪುರ

ನರಸಿಂಹರಾಜಪುರ

ಚಿಕ್ಕಮಗಳೂರು ಜಿಲ್ಲೆದ ತಾಲೂಕುಲೆಡು ಎನ್ ಆರ್ ಪುರಲ ಒಂಜಿ. ಆಂಡ‌ ನೆತ್ತ ಪಿರಾಕ್ ದ ಪುದರ್ ಯಡೆಹಳ್ಳಿ ಪಂದ್.

1915 ನೇ ಇಸವಿಡ್ ಅದಗ ಮೈಸೂರುದ ಯುವರಾಜೆ ಆದಿತ್ತಿನ ನರಸಿಂಹರಾಜ ಒಡೆಯರ್ ಯೆಡೆಹಳ್ಳಿಗ್ ಬತ್ತ್ ಪೋಯಿನೆರ್ದಾತ್ರ ನೆಕ್ಕ್

ನರಸಿಂಹರಾಜಪುರ ಪಂದ್ ಲೆಪ್ಪರೆ ಸುರು ಮಲ್ತೆರ್. ನರಸಿಂಹರಾಜಪುರ‌ ಇನಿಕಾನಗ ಎನ್ ಆರ್ ಪುರ ಆತ್ಂಡ್. ಮುಲ್ಪ ಜೈನಧರ್ಮದ ಪ್ರಸಿದ್ದ ಯಾತ್ರಸ್ಥಳವಾಯಿನ ಜ್ವಾಲಾಮಾಲಿನಿ ಅತಿಶಯ ಕ್ಷೇತ್ರ ಬೊಕ್ಕ ತೀರ್ಥಂಕರೆರೆನ ಜೈನಬಸದಿ ಬಸ್ತಿಮಠ ಉಂಡು.‌ಇಡೆಗ್ ಊರು ಪರಊರುಡ್ದು ಜನಕುಲು ಬರ್ಪೆರು. ಭದ್ರಾ ಸುದೆಕ್ ಲಕ್ಕವಳ್ಳಿದಲ್ಪ ಅಣೆಕಟ್ಟ್ ಕಟ್ಟಿನೆರ್ದಾತ್ರ ಮುಲ್ಪದ ಹೆಚ್ಚಿನ ಪ್ರದೇಶ ಮುರ್ಕುಂಡ್. ಅಂಚೆನೆ ಮುಲ್ಪ ಭಧ್ರಾ ಸುದೆಕ್ ತಡಸಾ ಪನ್ಪಿನಲ್ಪ ಒಂಜಿ ಪರ ಸಂಕ‌ ಉಂಡು. ಉಂದು ಮರಿಯಾಲಪೂರ ನೀರ್ ಡ್ ಮುರ್ಕುದ್ ಅರೆಗಾಲೊಡು ನೀರ್ ಕಮ್ಮಿ ಇತ್ತ್ಂಡ ಮಾತ್ರ ತೂವರೆ ತಿಕ್ಕುಂಡು. ಈ ಊರುಡು ಜನಕುಲು ಬೆನ್ನಿಡೇ ಜೀವನ ನಡಪೊಂದಿತುದ್ ಬಜ್ಜೆಯಿ, ಬಾರ್, ರಬ್ಬರ್, ಕಾಫಿ, ಎಡ್ಡೆಮುಂಚಿ, ಬಾರೆ, ವೆನಿಲ್ಲಾ, ಶುಂಠಿ ಬೊಕ್ಕ ಏಲಕ್ಕಿ ಬುಲೆಪೆರ್

Pic Source: Internet